投白票唔係救港方案,投白姐姐先係!

強力呼籲、勸諭、乞求、跪求社會各界人士,為咗香港,請投白韻琹一票。多謝,多謝!原因好簡單,因為你地對民主黨失望,而我係仇恨民主黨!

九西人民力量團隊

人民力量班哥哥仔話要杯葛超級區議會功能界別投白票,想法出咗少少問題。大班又話要含淚投票比民主派,問題就大好多。不過,基本上係“人”(唔係香港人,唔係中國人,我講嘅係真正嘅”人“,香港好少,大陸接近零)大部份都會得出以上兩個OPTIONS。呢個思維方式最大嘅問題係先入為主咁自我否定咗一啲可能性,然後先做分析。呢個係我地啲做PROGRAMMER嘅人編程同DEBU嘅大忌。一個PROGRAMMING高手係唔否定任何情況,即使自己覺得機會係零都唔會否定,因為自己有可能眼大睇過龍,如果唔係就好容易會寫出啲一人一票選港姐嘅APPS,你話死唔死。

先講大班,犯咗一個簡單錯誤,就係先將白姐姐嘅可能性SET做零,民調信唔過就係人都知啦,選都未選,點知無人LIKE佢呀?你個節目都有人打電話上去話選白姐姐啦。如果大班呼籲,投”白“嘅人就會更多,分分鐘可以打死一個民主黨派,如果打死咗李慧琼就仲開心。大班做人包袱之多,佢定義做網台係低級嘅,就挑選咗條死路比自己,做個DBC,搞到自己裡外不是人。宜家班大媽沙用香港司法制度嚟搞你大班,我保證你一定要關門收場。今次佢又定義白姐姐死Q硬,同樣令我傷感。我上兩個禮拜已經幫白姐姐拉票啦,當然!結果系個個話我白癡啦,不過我都慣架啦。

好啦,人力嘅想法係好正確,只係唔太理想,功能界別係一定要杯葛嘅,投白票係有一定道理,不過係放棄咗一個機會,當中係有選擇嘅。小弟就係活生生一個人版,主動放棄IT功能界別資格,堂堂正正咁做翻個人,之前聽大班台有啲老師都頂唔順張文光(呢個契弟今次一定要落區選架啦,因為好多教師都唔會BUY佢,但係地區就有99%嘅人唔知佢同羅范啲衰嘢),放棄教育界功能界別資格,好!再次公開呼籲仲有功能界別票喺手嘅選民,快啲放棄張萬惡嘅功能票啦,今次投白票都係一個方法。

點解可以投白姐姐?呢個問題好簡單,因為你地思想包袱太大。只有白姐姐係有可能有得同泛民DEAL嘅,因為其他粉腸全部都有出賣過香港人嘅RECORD。即使白姐姐係班鄉事派支持咁又點,你地無讀香港歷史唔知道呢班鄉下佬有出賣過共產黨比英國佬嘅GOOD RECORD咩?所以,投白姐姐嘅機會成本為零,可以試投。我只要知道佢今日唔係民主黨,唔係民協就OK啦。只要大班都出嚟,以”投廢票比廢人,投白韻琹彰顯功能界別係無能“嘅方式叫人投比白姐姐,就可以保證民主黨或民協必死一個,自己又落倒台,幾好呀。

你如果相信四方西(唔想講埋佢個選區啦,唔開名)班人嘅理論,就係數學有問題,連小學程度都無!你睇睇傳統功能界別選民人數,只有24萬人,其中教育界同衛生界係歸嗮邊,一大半人只能決定兩個位,兩個呀,啊哥!其它界別加埋就幾千人玩嗮。好啦,宜家民主黨幫你”爭取“咗啲乜嘢,係300萬人選5個位(個提名門欄仲咁高,大黨玩嗮,先保證建制派席位),其它28個(教育,衛生唔算)位就由幾千人去選,仲有十六個自然當選!佢老母連華羅庚翻生都計唔倒有增加到民主成份啦。

朱高正共產黨只需要功能界別千秋萬代,就可以控制整個香港,因為立法會係分組點票嘅,地區選擇唔怕你,放棄都無所謂(反正係唔會,下次先講咩嘢叫”鐵票來由之精確制操控選票“)。而關鍵少數係無意義嘅,因為係重要議題,如改變議會組成、普選等議題,先至會有作用,唔同班泛民會用關鍵少數嚟否決普選法案咩!唉!只要立法會成份一樣,係分組點票,政府最多都只係通過唔倒法例,而你地提出咩嘢方案都係會被否決嘅。共產黨係有贏無輸嘅。所以只有一樣嘢可以做,就係癱瘓個政府。你睇睇朱高正點樣係台灣立法會玩嘢就知道,未有民主就係用呢啲方式,有咗啦,就唔需要呢啲人。

我係好痛恨啲被共產黨成功統戰嘅人,宜家香港咩地方呀,出嚟搞政黨都仲可以咁無智慧比人地統戰倒!有無咁蠢呀?哪!民建聯就唔同,好似劉江華咁,個頭有個奸字嘅,係純為利益,咁係合乎邏輯嘅。如果民建聯話比份工我做,我都會支持佢架。如果你係為咗理想,去被人統戰,咁你就係白癡。

我以從來無投過票比民主黨為榮!

哪哪哪,係唔係好Q煩,提咗毓民同白姐姐就要LIST埋啲架哪渣出嚟!

九龍西選區仲有:

編號 政治聯繫 候選名單
1 獨立 黃以謙
2 民主黨 黃碧雲張文光李耀基袁海文莊妙嫦
3 民協 譚國僑廖成利莫嘉嫻、黃志勇、吳寶珊
4 獨立 黃逸旭
5 民建聯 蔣麗芸葉傲冬鄭泳舜陳偉明林心廉
6 人民力量 黃毓民*嚴達明周峻翹劉鐵煒
7 香港關注會 林依麗何家權區咏豪李家威
8 西九新動力 梁美芬楊永杰韋海英梁文廣
9 公民黨 毛孟靜王德全

超級區議會仲有:

編號 政治聯繫 候選名單
801 民主黨 何俊仁鄺俊宇林紹輝
802 民主黨 涂謹申趙家賢區諾軒
803 獨立 白韻琹
804 民建聯/公民力量 劉江華
805 民協 馮檢基許錦成
806 民建聯 李慧琼洪連杉陳學鋒朱立威顏汶羽
807 工聯會 陳婉嫻梁子穎黃潤昌

 

Topics: