香港需要教協做乜,買電視機有得平咯

嗱嗱嗱!HK PTU唔係香港警察機動部隊呀!係香港教育專業人員協會司徒華真係好偉大,組織咗教協。如果唔清楚係咩嘢組織,好簡單!

一講你就明白,入咗會唔單止買電視機有得平,買咩電器都有得平,問你入唔入?梗係入啦!

我個FRIEND之前咪笨咯,四圍問邊度買電視機好,入咗咪好咯,除咗買電視機有得平,教協仲有超市添,係唔係好正呢。

好啦,咁你地又知唔知以前李國章(上立法會打GAMEBOY嗰位呀)同羅范啲政策,張文差唔多次次PASSED,拍晒膊頭。羅范就衰啦,之前踢爆咗張文,以後都唔知點舉手支持政府啲教育政策,辛苦你啦張文。張文729曖昧至極,搵咗成個禮拜先搵倒佢出嚟,比大口玲逼到埋場,先話通知晒啲會員上街。跟住一個個會員PHONE IN到各個節目話無收到料。

教協已經被成功統戰咗架啦,我代表香港政府多謝支持教協嘅老師。身為會員可以做啲乜?之前聽到個打電話上大班台嘅老師,就做得最啱,填咗FORM退出教育界功能組別。其實我個FRIEND都係推出咗,我都退出埋資訊科技界功能組別啦,正式否定小圈子選舉。老師們可以考慮吓,集體高調退出教育界功能組別,本界未嚟得切退出(七月CLOSED咗啦)都行出嚟,集體表態投白票。就可以喚醒香港人。香港人扮瞓覺架咋,要打先至醒架。其它功能組別啲選民都可以積極考慮,集體公開放棄投票權,咁樣可以做到留底班選民成為過街老鼠、樣衰。今次功能界別選舉有十三個議席自動當選,唉!真係,做選民嗰班人又無乜實質直接利益,頂晒籠都係比吓面咁,都唔知為乜嘢仲要做,放棄啦!

 

 

Topics: